Ungfrú Ísland – sérstök Kvennaárssýning

Þann 16. mars verður sérstök Kvennaárssýning í Borgarleikhúsinu á Ungfrú Ísland. Fyrir sýninguna verður gott partý með DJ Dóru Júlíu, tilboðum á barnum og nægu plássi til að plotta, spjalla og tengjast. Eftir sýningu verða svo umræður með aðstandendum Kvennaárs og sýningarinnar.
Hægt er að kaupa miða með 20% afslætti á hlekknum hér fyrir neðan.
Um sýninguna

Ungfrú Ísland – verðlaunaskáldsaga Auðar Övu
Verðlaunaskáldsaga Auðar Övu birtist hér ljóslifandi á Stóra sviðinu í mögnuðu sjónarspili. Hekla þráir að skrifa en það reynist fjarlægur draumur fyrir unga konu á Íslandi rétt eftir miðbik síðustu aldar. Draumurinn er enn fjarlægari fyrir Íseyju, sem er gift og komin með barn og eru sjálfkrafa allar bjargir bannaðar. Bara að fá að vera til á eigin forsendum virðist utan seilingar og hið sama upplifir hinn ungi Jón John.

Ungfrú Ísland er kyngimögnuð saga sem gerist á barmi byltinga, fangar tíðaranda og tilfinningar. Þetta er saga um baráttu fólks fyrir höfundarétti á eigin lífi á tímum þegar sjálfstæði kvenna og hinseginleiki voru þyrnar í augum íhaldssams samfélags, barátta sem enn er háð í dag. En þetta er einnig saga um sjálfan sköpunarkraftinn, lífsviljann og ævarandi leit að betri heimi, þar sem allt það sem ekki er orðið til kraumar undir yfirborðinu og brýtur sér leið í ljósið með tilheyrandi titringi og átökum.
Ritsnilld Auðar Övu er landsmönnum að góðu kunn og hér má finna leiftrandi húmor, þungan harm og heillandi fegurð.

 

Miðar með 20% afslætti:
https://tix.is/is/bl/specialoffer/34rkc44dzfbbs

Leikgerð: Bjarni Jónsson í samvinnu við Grétu Kristínu Ómarsdóttur

Leikstjórn: Gréta Kristín Ómarsdóttir

Hlutverk:

Hekla: Íris Tanja Flygenring,

Jón John: Fannar Arnarsson,

Ísey: Birna Pétursdóttir,

Starkaður: Jón Hjörtur Jónsson,

Lýður og önnur hlutverk: Haraldur Ari Stefánsson,

Gottskálk og önnur hlutverk: Valur Freyr Einarsson,

Steinþóra og önnur hlutverk: Sólveig Arnarsdóttir,

Örn og önnur hlutverk: Vilhelm Neto,

Rannveig og önnur hlutverk: Esther Talía Casey,

fésýslumaður og önnur hlutverk: Jörundur Ragnarsson,

hermaður: Unnsteinn Manuel Stefánsson.

 

Upplýsingar

  • Borgarleikhúsið
  • 16. mars kl. 17:30
  • Umsjón: Kvennaár