1. maí // Reykjanesbær
Kvennaársandinn svífur yfir vötnum á viðburðum í tilefni að alþjóðlegum baráttudegi verkalýðs. Að því tilefni tekur Kvennaár saman dagskrá víðsvegar um landið.
Á þessum degi fögnum við því sem áunnist hefur í réttindabaráttu verkafólks og óskum öllum til hamingju með daginn.
Stéttarfélögin á Suðurnesjum bjóða félagsfólki og öðrum íbúum svæðisins á baráttufund í Stapa, Hljómahöll 1. maí kl. 14:00 – 16:00 og eru öll velkomin á meðan húsrúm leyfir.
Dagskráin
Húsið opnar kl. 14 og tekur lúðrasveit tónlistarskóla Reykjanesbæjar á móti fólki.
Guðbjörg Kristmundsdóttir formaður VSFK setur dagskrá og kynnir.
Ræðumaður dagsins er Saga Kjartansdóttir sérfræðingur í Vinnumarkaðsmálum ASÍ.
Fríða Dís tekur nokkur vel valin lög.
Leikfélag Keflavíkur kemur með innslag og Kvennakór Suðurnesja slær botn í dagskrána.