Á fimmtíu ára afmæli hins sögulega kvennafrís árið 1975 koma leikkonur á öllum aldri saman og flytja kraftmikla dagskrá í tali og tónum í Þjóðleikhúskjallaranum. Leikkonur sem tóku þátt í söngdagskrá á Lækjartorgi á kvennafrídeginum 24. október 1975 og sendu frá sér hina geysivinsælu hljómplötu Áfram stelpur mynda kjarnann í hópnum en þær voru jafnframt þátttakendur í kabarettsýningunni Ertu nú ánægð, kerling? sem sýnd var í Þjóðleikhúskjallaranum vorið áður.
Á sýningunni verða þessari sögu gerð skil og tónlistin af plötunni flutt og leitast við að skoða hvað hefur áunnist á þessum fimmtíu árum og hvað mætti ennþá betur fara.

Umsjón: Steinunn B. Jóhannesdóttir og Brynhildur Björnsdóttir